Universitetning Nashriyot bo‘limi ta’lim, ilmiy va ma’naviy-ma’rifiy faoliyatni axborot bilan ta’minlashda muhim o‘rin tutadi. Bo‘limning asosiy vazifasi professor-o‘qituvchilar, ilmiy xodimlar hamda talabalar tomonidan tayyorlangan o‘quv-uslubiy va ilmiy materiallarni nashrga tayyorlash, ularni chop etish va keng ommaga yetkazishdan iborat.
Nashriyot bo‘limi tomonidan darsliklar, o‘quv qo‘llanmalar, monografiyalar, ilmiy maqolalar to‘plamlari, konferensiya materiallari hamda turli metodik qo‘llanmalar tayyorlanadi va nashr etiladi. Shuningdek, bo‘lim nashr qilinadigan materiallarning sifatini nazorat qilish, tahrirlash, dizayn va sahifalash ishlarini amalga oshiradi.
Bo‘lim zamonaviy texnologiyalar asosida faoliyat yuritib, ilmiy ishlanmalarni elektron va bosma shaklda tayyorlash, ularni xalqaro talablarga mos holda rasmiylashtirishga alohida e’tibor qaratadi. Bu esa universitet ilmiy salohiyatini oshirish va uning nufuzini mustahkamlashga xizmat qiladi.
Shu bilan birga, Nashriyot bo‘limi universitetda o‘tkaziladigan ilmiy-amaliy konferensiyalar, seminarlar va boshqa tadbirlar materiallarini tayyorlash va chop etishda faol ishtirok etadi.
